Yatxatawi jiskt’awinakanxa chiqpacha qhana iyawa sawimpiwa uraqita yatiyaña, formularios ukhamaraki boletas ukanakxa chiqpacha iyawa sawimpiwa qatuqata, sedes departamentales jupanakaruwa uka jiskt’awi yatxatawixa phuqhataxiwa sasina yatiyxaña, ukhamarusa Actualización Cartografia Estadistica ukhamaraki empadronamiento pä qutunakanwa jank’aki irnaqaraki.
ACE tuqimpiwa iyawa sawixa Irnaqataraki suma chiqañapataki.
Markpachana suma irnaqawi uñacht’ayañatakixa pacha apsusisawa puriña.
Taqi irnaqawinakaxa markanakanxa yatxatatanakampiwa ch’amanchaña ukhamaraki uñt’ayaña.
Yatxatawi jiskt’awinakaxa iyawa sañapawa kunatixa markanakana yatiski ukanakaxa uñtayatañapawa.
ACE tuqitakixa jatxatata jaqimpinakampiwa irnaqaña, khitinakataxa p’iqinchirinaka yanapt’irinaka jupanakawa irnaqaphañapa, llatunka markanakana ukanakawa INE uksana ucht’atañapa, ukhamata jaqi jakthapiwixa suma phuqhasiñapataki.
Oficina Nacional tuqina irnaqirinakaxa mayacht’asipxiwa kunjamasa qullqi payllañataki jaqinakaxa achikt’ataspa, kunjamarakisa yatiyawinakasa apsutarakispa aka Actualizacion Cartografica Estadistica ukana phuqhañapatakixa, khamanaka yatisaxa taqi amtawinakawa kunjamatixa mayitaki ukhamarjama phuqhatañapa, kuna amtawinakasa irnaqañataki munasi ukanakaxa uñt’ayañarakiwa. Kawkiri jaqinakatixa oficinas departamentales sataki ukana irnaqaphani jupanakawa ACE jupanakaru chiqpacha irnaqawi uñacht’axaphañapa yatiyxaphañaparaki. Yamakisa oficina departamental tuqinxa uñjirinakaxa utjarakiwa chiqpachapuniti irnaqawixa amtatarjama phuqhasiski ukanaka yatiñataki.
Yatxatawi jiskt’awinakanxa jaqinakaxa achikt’ataxiwa, kunanakasa irnaqañatakixa wakisi ukanaxa phuqhatañapaxiwa.
Janira jaqi jakthapiwinakaru purkasaxa yatxatawi jiskt’awinaka jichha Cartografica Estadistica suma qhanañapatakixa phuqhayañawa ,utanakata ukhamaraki uraqpachana sapa markanakawa jakthapiña, amtawinakaxachiqakiñapataki jan walt’awinaka utjañapataki, suma qhanañapawa chiqa yatiyawiwa apnaqaña, jiskt’awinakampi phuqhañataki ukhamarusa markanakana jisk’a markanakana uraqpachana chhijllañarakiwa, kunapachatixa uraqpachana jaljataxi ukhaxa jak’akiwa irnaqawinakaxa jiskt’awinakampi phuqhataxi.
Jichha Cartografica Estadistica ukanxa llika tuqitawa lurataxi, Informática Cartografica uka tuqinwa mä amuyuki irnaqataxi suma uñjawi waruqataxa yatisiñapataki.
ACE tuqinxa pusi yant’awinakawa taqichiqanakana uñakipataxi
Ukatxa jiskt’awi iyawsawi yatiyawinakaxa wali askiniwa chiqpacha lurawinaka uñacht’ayañataki, irnaqawi tuqina kunatixa munaski ukanakaxa jak’ata uñjatata kunapachatixa jaqi jakthapiwiru purjañaki ukhaxa, uñakipatañapawa taqi uñacht’awinakaxa
Taqpacha utt’ata iyawsatanakawa jiskt’awinakarjama qallantasi, chiqpacha jichha Cartografica Estadistica uksana qhanstañapatakiwa, ukawa qhawqha utanakansa jaqinakasa qamapxi jan qamapki yatiñatakiwa
